Âmine hâtun Muhammed ânesi
Ol sadeften doğdu ol dür dânesi Çünkî Abdullah'tan oldu hâmile
Vakt erişdi hefte vü eyyam ile Hem Muhammed gelmesi oldu yakîn
Çok alâmetler belirdi gelmeden
Allâhümme salli alâ Muhammediv
Ve alâ âli Muhammed
Ol Rebiûl evvel âyın nîcesi
On ikinci gîce isneyn gîcesi Ol gîce kim doğdu ol hayrûl-beşer
Ânesi anda neler gördü neler Dedi gördüm ol habîbin ânesi
Bir acep nûr kim, güneş pervânesi Berk urup çıktı evimden nâgehân
Göklere dek nûr ile doldu cihân Gökler âçıldı ve feth oldu zulem
Üç melek gördüm elinde üç âlem Bîri meşrik bîri mağribde anın
Bîri dâmında dikildi Kâbenin Bildim anlardan kim ol halkın yeği
Kim yakîn oldu cihâna gelmeği İndiler gökden melekler sâf sâf
Kâbe gibi kıldılar evim tavaf Hûriler geldi bölük bölük
Buğûr yüzleri nûrundan evim doldu nûr Çevre yânıma gelip oturdular
Mustafâ'yı birbirine muştular Dediler oğlun gibi hiç bir oğul
Yâradılâlı cihân gelmiş değil Bû senin oğlun gibi kadr-ı cemîl
Bir anâya vermemiştir ol Celîl Ûlu devlet buldun ey dildâr sen
Doğiserdir senden ol hulk-ı hasen Bû gelen "ilm-î ledün" sultânıdır
Bû gelen tevhîd ü irfân kânıdır Bû gîce ol gîcedir kim, ol şerîf
Nûr ile âlemleri eyler latîf
Allâhümme salli alâ Muhammediv
Ve alâ âli Muhammed
Bû gîce şâdân olur erbâb-ı dil
Bû gîceye can verir eshâb-ı dil Yâ Resulâllah Rahmeten lil'âlemindir Mustafâ
Hem şefîal müznibîndir Mustafa Vasfınî bû resme tertib ettiler
Ol mübârek nûru terğib etdiler Âmine eder çü vakt oldu tamâm
Kim vücûda gele ol hayrül enâm Sûsadım gâyet harâretden katî
Sundular bir câm dolusu şerbeti
Allâhümme salli alâ Muhammediv
Ve alâ âli Muhammed
Şerbeti sunduk tâbânâ hûriler
Bûnu sana verdi Allâh dediler Kardan ak îdi ve hem soğuk idi
Lezzeti dâhi şekerde yok idi İçdim ânı oldu cismim nûra gark
İdemezdim kendimi nûrdan fark Geldi bir akkuş kanâd ile revân
Arkamı sığâdı kuvvetle hemân Doğdu ol sâatde ol sultân-ı dîn
Nûra gark oldu semâvât-ü zemîn Sallû Aleyhi ve Sellimû teslimâ
Hatta tenâlû cenneten ve naîmâ
Essalâtü vesselâmü aleyke Ya Resûlallah
Esselâtü vesselâmü aleyke Ya Habîballah
Essalâtü vesselâmü aleyke Ya Seyyidel-evvelîne velâhirin. | 